LAND ROVER ТҮПНҰСҚА ЖЕҢІЛ ҚОРЫТПАЛЫ ДӨҢГЕЛЕК ДИСКІЛЕРІ

Серпінді әрі замануи дизайны бар, жеңіл қорытпадан жасалған дөңгелек дискілері Land Rover көлігіңіздің мәртебесін жолда айрықша етіп көрсетеді.

БЕРІКТІК

Әр дөңгелек дискісі алюминий мен кремний қорытпасынан жасалады да, тіпті микроскоптық сызаттардың болмауына көз жеткізу үшін рентгендік зерттеуден өтеді. Бұл оңтайлы беріктік пен ұзақ қызмет көрсетуге кепілдік береді.

ТЕҢГЕРІМ

Біздің жеңіл қорытпадан жасалған дөңгелек дискілер геометрия мен теңгерімнің дәл стандарттарына сәйкес жасалып, құрамдастар арасында (мысалы, тежегіш суппорттар арасында) қауіпсіз саңылауды қамтамасыз етеді. Нәтиже — жабыны бар жолдар мен жолсыз жерлердегі мүдірмейтін мүмкіндіктер.

ҰЗАҚ УАҚЫТ ҚЫЗМЕТ ЕТУ

Коррозияға төзімділікке 12 апталық динамикалық сынаудан бастаймыз. Сосын түпнұсқа жеңіл қорытпалы дөңгелек дискілерінің тежегіш сұйықтығы, жанармай және тазартқыш құралдар сияқты агрессивті заттектерге төзімділігін талдаймыз. Ақырында, тұзды тұманды пайдаланып 1 000 сағат бойы ауыр сынақ жүргізіледі.

ҚАУІПСІЗДІК

Жиектастарға соғылуды имитациялайтын тербелісті діңдегі сынақ барысында әр дөңгелек дискісінің ең әлсіз және ең мықты нүктелері тексеріледі. Бұйым құрылымының беріктік сипаттамаларын бұлай тексеру автокөліктің де, жолаушылардың да қорғанысын қамтамасыз ететін оңтайлы төзімділікке және соққылардың тиімді сіңірілуіне кепілдік береді.

LAND ROVER ТЕЖЕУ ЖҮЙЕСІНІҢ ТҮПНҰСҚА ҚҰРАМДАСТАРЫ

Өлім алқабының шыжыған ыстығынан солтүстік Скандинавияның қатал аяздарына дейін: Land Rover түпнұсқа тежегіш дискілері мен қалыптары экстремалды жағдайларға төзуге жасалған. 12 ай бой жобалау мен әзірлеуден кейін олар мұқият сыналады.

ТЕКСЕРІЛГЕН ТИІМДІЛІК

Land Rover тежеу жүйесінің тұпнұсқа құрамдастары спорттық автокөліктердің жетекші өндірушілері пайдаланатын тежеу тиімділігінің төмендеуін тексеретін стандартты AMS салалық сынағынан өтеді. Жүргізуші сынақ аясында автокөлік жылдамдығын 100 км/сағ дейін үдетеді, содан кейін тежегіш педалін тірелгенше басып, толық тоқтағанша ұстап отырады. Бұл процедура 12 цикл бойы тоқтаусыз қайталанады.

LAND ROVER ГАЗ ШЫҒАРУ ЖҮЙЕСІНІҢ ТҮПНҰСҚА ҚҰРАМДАСТАРЫ

КЕЗ КЕЛГЕН ҚОЗҒАЛЫС ЖАҒДАЙЛАРЫНДАҒЫ ОҢТАЙЛЫ ДЫБЫСТАЛУ

Land Rover газ шығару жүйесінің түпнұсқа құрамдастары пайдалану сипаттамалары мен нәзік дыбысталу арасында мінсіз теңгерімді қамтамасыз ету үшін жасалған. Олар Land Rover бірегей стандарттарына сәйкес калибрленіп, 1 000 сағаттан артық уақыт бойы мұқият сыналады. Ал нәтижесі қандай? Керемет пайдалану сипаттамалары мен жанармайды үнемдеу. Материалдың 700 °C дейінгі температуралардағы зор беріктігі.

LAND ROVER ТҮПНҰСҚА МАЙ СҮЗГІЛЕРІ

СІЗДІҢ LAND ROVER АВТОКӨЛІГІҢІЗДІ ҚОРҒАУҒА ҚАЛАЙ КӨМЕКТЕСУГЕ БОЛАДЫ.

Land Rover түпнұсқа май сүзгілерін әзірлеу үдерісі қозғалтқышты мың сағат сынау мен автокөлікті экстремалды климаттық жағдайларда жолда ондаған мың километр бойы қарқынды сынауды қамтиды.

Түпнұсқа май сүзгілерін және ауыстырудың бекітілген уақыт аралықтарын сақтау сіздің Land Rover мен оның қозғалтқышының жоғары деңгейдегі пайдалану сипаттамалары мен ұзақ уақыт қызметіне кепілдік береді.

ДИЛЕР ТАБУ