ҮЙДЕ — ЖАҚСЫРАҚ
Land Rover ұсынған қосылатын гибрид (PHEV) көмегімен зарядтап алудың көп бөлігі үйден зарядтау құрылғысы арқылы орындалады.
Әдетте бұл зарядтап алудың ең арзан әрі ыңғайлы тәсілі. Телефонды розеткаға қосу сияқты оны пайдалану да оңай — қала бойынша қысқа сапарлар үшін жанармай құю бекеттеріне барудың еш қажеті жоқ.
ҮЙДЕН ЗАРЯДТАУ ҚҰРЫЛҒЫСЫ КӨМЕГІМЕН ЗАРЯДТАП АЛУ ПРОЦЕСІН ЖЕДЕЛДЕТУ
КЕЗ КЕЛГЕН АУА РАЙЫНДА ҚАУІПСІЗ ЗАРЯДТАП АЛУ
ҮЙДЕН ЗАРЯДТАУ ҚҰРЫЛҒЫСЫ ҮНЕМДЕУГЕ КӨМЕКТЕСЕДІ
ҮЙДЕН ТЫС ЖЕРДЕ ЗАРЯДТАУ
КЕЛЕСІ АЯЛДАМАДА ЗАРЯДТАП АЛУ
Зарядтау станциялары жүйесі дамып келе жатқандықтан, сіздің қосылатын гибрид көлігіңізді зарядтап алуға болатын қоғамдық орындар қазіргіден де көбейді.
Көптеген тұрақтардағы, сауда орталықтарындағы және автожолдардағы зарядтап алу пунктілері тұраққа қою кезінде аккумулятор зарядын оңай толтыруға мүмкіндік береді. Ал егер кеңседе бірнеше сағат болсаңыз, жұмыс орнындағы зарядтау станциясы автокөлікті түскі асқа дейінгі уақытқа толығымен зарядтап алуға мүмкіндік береді.
Қаладағы зарядтап алу пунктілерінің көбі жеке зарядтау кабелін қосуды талап етеді. Ол Land Rover PHEV көлігінің стандартты жинақтамасына кіреді. Оны кез келген ауа райы жағдайында үйден тыс та пайдалануға болады.
ҚАЙДА БОЛСАҢЫЗ ДА, ЗАРЯДТАП АЛУ ПРОЦЕСІН БАҚЫЛАҢЫЗ
ТЕЛЕФОННАН БАҚЫЛАУ ЖӘНЕ БАСҚАРУ
Желіге қосылған соң Land Rover көлігіңіздің InControl қолданбасы1 ұялы телефоныңызға зарядтаудың нақты күйін жібереді. Қайда болсаңыз да, уақытыңызды тиімді жоспарлап, еш минутты жоғалтпай, автокөлігіңізге қайта аласыз.
Үй жағдайында қолданбаңыздағы таймер бойынша зарядтап алу функциясын қарбалас уақыттан тыс кезеңде және электр энергиясының көптеген жеткізушілері ұсынатын едәуір тиімді тарифтер бойынша зарядтап алу үшін пайдалануға болады.
ҚОСЫЛАТЫН ГИБРИДТЕРДІ ЗАРЯДТАУ УАҚЫТЫ
Әдетте автомагистральдар мен басты жолдардағы техникалық қызмет көрсету станцияларында орналасқан — тұрақты токпен жылдам зарядтап алу пунктілері үшін көрсеткіштеріміз — 80 %-ға дейін жетеді. Бұл аккумуляторды қорғау және оның қызмет ету мерзімін оңтайландыру мақсатында зарядтап алу жылдамдығы 80 %-дан асқан жағдайда айтарлықтай төмендейтініне байланысты.
| Көлік құралы | Электр тарту күшіндегі максималды жүріс қоры | Үйде және қоғамдық орында айнымалы токпен (7 кВт) 0-100 % зарядтап алу | Үйде және қоғамдық орында тұрақты токпен (50 кВт) 0-80 % зарядтап алу |
| Range Rover electric hybrid | Электрлік тарту күшімен жүріс қоры 121 км-ге дейін‡ ** | 5 сағаттан бастап2 | 60 минуттан кем2 |
| Range Rover Sport electric hybrid | Электрлік тарту күшімен жүріс қоры 123 км-ге дейін ‡ ** | 5 сағаттан бастап2 | 60 минуттан кем2 |
| Range Rover Velar electric hybrid | Электрлік тарту күшімен жүріс қоры 64 км-ге дейін‡ ** | 2 сағат 30 минуттан бастап2 | 30 минуттан бастап2 |
| Range Rover Evoque electric hybrid | Электрлік тарту күшімен жүріс қоры 62 км-ге дейін‡ ** | 2 сағат 12 минуттан бастап2 | 30 минуттан бастап2 |
| Discovery Sport electric hybrid | Электрлік тарту күшімен жүріс қоры 61 км-ге дейін‡ ** | 2 сағат 12 минуттан бастап2 | 30 минуттан бастап2 |
| Defender electric hybrid | Электрлік тарту күшімен жүріс қоры 51 км-ге дейін‡ ** | 2 сағат 30 минуттан бастап2 | 30 минуттан бастап2 |
ТҰРМЫСТЫҚ РОЗЕТКАЛАРДЫ ҚОСЫМША СЕНІМДІЛІК ҮШІН ПАЙДАЛАНУ
Егер сіз ұзақ сапарға шығып кетіп, үйден зарядтау құрылғысы қолжетімді болмаса, электр құралдарын қосу үшін пайдаланылатын стандартты тұрмыстық розетка да автокөлігіңізді зарядтай алады, бірақ әлдеқайда төмен жылдамдықпен — әдетте нөлден бастап, толық зарядтап алғанға дейін жеті сағаттан астам уақыт жұмсалады.
Автокөлікті тұрмыстық розеткадан зарядтап алу үшін 2-режимдегі кабельді бөлек сатып алуға болады.
ЭЛЕКТРМОБИЛЬДЕРМЕН ТАНЫСУДЫ ЖАЛҒАСТЫРУ
АВТОКӨЛГІҢІЗГЕ АРНАЛҒАН ҮЙДЕН ЗАРЯДТАУ ҚҰРЫЛҒЫСЫН ОРНАТУ
ҮЙДЕН ТЫС ЖЕРДЕ ЗАРЯДТАУ
‡Электр тарту күшімен жұмыс істейтін жүріс қоры жөніндегі деректер стандартты бағдармен жүріп өткен сериялық автокөлікке негізделген. Нақты көрсеткіштер автокөлік пен аккумулятордың күйіне, бағдар мен қоршаған ортаға, сондай-ақ көлік жүргізу стиліне байланысты.
Келтірілген деректер – бұл толық зарядталған батареямен ЕО заңнамасына сәйкес жүргізілген өндірушінің ресми WLTP сынақтарынан алынған NEDC2 мәндері. Тек салыстыру үшін. Шын пайдалану жағдайларында сипаттамаларда айырмашылық болуы мүмкін. CO2 шығарындылары,2отын үнемдеу, энергия тұтыну және жүріс қоры көрсеткіштері көлік жүргізу стилі, қоршаған орта жағдайлары, таситын жүктің салмағы, орнатылған дөңгелектер және аксессуарлар сияқты факторларға байланысты өзгеруі мүмкін. NEDC2 циклі бойынша есеп үкімет жасаған өрнекті және WLTP циклі шеңберінде алынған мәндерді пайдалана отырып жүргізіледі. Нәтиже — ескі NEDC әдістемесі бойынша жүргізілетін сынақтарда алуға болатын сипаттамаларға ұқсас сипаттамалар. Бұл салық салудың дұрыс тәртібін қолдануға мүмкіндік береді.
**Бұл деректер толық зарядталған батареямен ЕО заңнамасына сәйкес жүргізілген өндірушінің ресми сынақтарынан алынған. Тек салыстыру үшін. Шын пайдалану жағдайларында сипаттамаларда айырмашылық болуы мүмкін. CO2 шығарындылары,2отын үнемдеу, энергия тұтыну және жүріс қоры көрсеткіштері көлік жүргізу стилі, қоршаған орта жағдайлары, таситын жүктің салмағы, орнатылған дөңгелектер және қосымша жабдық, нақты бағыт және аккумулятордың жай-күйі сияқты факторларға байланысты өзгеруі мүмкін. Жүріс қоры бойынша деректер стандартты бағдармен жүріп өткен сериялық автокөлікке негізделген.
1Тек үйлесімді смартфондар үшін. Қолжетімділік нарықта басқа жеткізушілердің платформалары мен ұялы телефон сигналының болуына байланысты.
2Зарядтау уақыты көптеген факторларға, соның ішінде автокөліктің жасына және күйіне, қоршаған орта температурасы мен батарея зарядының деңгейіне, сондай-ақ зарядтау құрылғысы мен зарядтау ұзақтығына байланысты ауытқуы мүмкін.